“O idioma é o principal signo dunha cultura. (…) Unha lingua ha de medrar como a hedra, dándolle o sol e mailo aire.” (Xela Arias)
Xela Arias Castaño (Sarria 1962 – Vigo 2003) foi unha escritora, editora, tradutora e profesora galega, pero sobre todo unha poeta rompedora e unha muller comprometida cos movementos feminista, ecoloxista e pacifista.
Co obxectivo de poñer en valor e dar a coñecer a autora a quen a Real Academia Galega (RAG) lle dedica o próximo 17 de maio, o noso alumnado de 2º ESO, coa axuda das profesoras de lingua galega e pedagoxía terapéutica, realizaron un pequeno relato en vídeo sobre a súa vida e obra.
Para seguir descubrindo un pouco máis sobre Xela Arias, non deixedes de visitar a súa exposición na nosa biblioteca e, de paso, consultar os seus libros que temos dispoñibles.
(Proximamente subiremos as fotos da exposición)