Club de Lectura de 1º ESO: “Robinson Crusoe”

Durante o primeiro trimestre, o grupo do club de lectura de 1º ESO estivo lendo Robinson Crusoe de Daniel Defoe, editado por Vicens Vives. Trátase dunha das obras máis emblemáticas da literatura de aventuras. Narra as aventuras do xove Robinson Crusoe, un náufrago inglés que pasa 28 anos nunha remota illa tropical, onde a pesar das moitas dificultades logra sobrevivir.

Tras a lectura da obra, o alumnado realizou uns estupendos debuxos do protagonista, Robinson Crusoe. A continuación, publicamos unha pequena mostra. Son precisos, non vos parece?

CLUB DE LECTURA 4º E.P.

Os alumnos de 4º de Educación Primaria forman parte dun club de lectura no que están a ler a obra «A cazadora de estrelas» de María Canosa.

Esta obra está dividida en vinte capítulos titulados, na que se presenta a unha protagonista, Megumi. É unha cazadora de puntería certeira, intelixente, valente e arriscada, que non dubida en mudar o seu físico e romper coas normas da sociedade na que vive, e mesmo abandonala, por lealdade á súa compañeira, a egua Turrón.

A amizade, a violencia e o respecto por seres indefensos, a ruptura de roles establecidos ou o valor das persoas polas capacidades e non por condicionantes doutra natureza son temas presentes nesta obra

Próximamente, este grupo de alumnos, asistirán a un encontro ca autora do libro xunto cos seus compañeiros de 5º e 6.